Akronim Jaku Iban

AKRONIM

Keterubah iya nya jaku akronim ti ditempa ari besakumka urup keterubah beberapa leka jaku.

a.    IPGM- Institut Pendidikan Guru Malaysia

b.    PBB- Pampang Bumi Bersatu

c.    SIDS- Serakup Indu Dayak Sarawak

d.    PBP- Panggau Buluh Pengerindu

Kedua, sakum urup enggau patah sebut nitihka pengelentur sebut. Leka jaku tu enda ngemeratka tusun leka jaku.

a.    Proton- Perusahaan Otomobil Nasional

b.    Perhilitan- Perlindungan Liar Taman Negara

c.    PAKSI- Pakej Kewangan Untuk PKS

d.    PERDANA- Perpustakaan Digital Nasional

Ketiga, jaku akronim ti besakumka patah sebut ari pun leka jaku:

a.    jerpan- jerita pandak

b.    tadika- taman didikan kanak-kanak

c.    palanem- palan latih nembiak

d.    PERKESO- Pertubuhan Keselamatan Sosial

Kepenudi, sakum ari pun leka jaku keterubah tauka patah sebut keterubah enggau bagi-bagi bukai dalam dijir leka jaku:

a.    PERTAMA- Persatuan Wartawan Wanita Malaysia

b.    Purata- pukul rata

Beri penemu nuan senentang akronim sekalika iya mayuh mai pemanah tauka penanggul dalam kerembai leka jaku Iban.

1.     Jaku akronim masuk dalam raban jaku nama tunggal.

2.    Jaku akronim iya nya siti ari leka jaku dalam jaku tunggal.

3.    Iya siti ari leka jaku ti ditempa besakumka bagi2 ari dijir leka jaku.

4.    Bagi-bagi nya baka urup, patah sebut tauka bagi-bagi ari leka jaku.

Pemanah-

Kitai ulih nyebut enggau senang laban udah diakronim.

-          Chunto iya, Perhilitan- Perlindungan Liar Taman Negara iya nya sakum urup enggau patah sebut nitihka pengelentur sebut.

-          Senang disebut lalu dilah kitai enda berbelit nyebut iya..

Pandak sereta senang diingat.

-          Ambika chunto, SIDS iya nya Serakup Indu Dayak Sarawak ti ditempa ari besakumka urup keterubah beberapa leka jaku.

Penanggul-

Kitai enda nemu meretika reti ti bendar.

-          Ambika chunto, jerpan - jerita pandak iya nya datai ari patah sebut ba pun leka jaku.

-          Mayuh nembiak enda nemu reti jerpan ti bendar. Kualiti jakunya makin lenyau.

Mai penyaru dalam komuniti

-          kelebih agi nembiak sekula sekalika leka jaku ti dikena nya akronim tauka ukai.

-          Ari penyaru tu, nembiak saru begunaka leka jaku lebuh ngaga karang dalam peresa lalu mayuh penyalah ari sukut sistem jaku Iban.

Leka jaku Iban mega majak ngeruyup

-          Leka jaku ti bendar enda suah dikena lalu meri penanggul dalam pengerembai jaku Iban.